Aey Neher E Alqama Noha Lyrics Ali Jee 2023

Pyaasa Raha Jaan-e-nabi Aey Waey Nehr-e-alqama

Uth Thi Rahin Maujain Teri Aey Waey Nehr-e-alqama

Wo Khushk Lab Sookha Gala
Sher-e-khuda Ki Aal Ka
Wo Tere Hauton Par Tari
Aey Waey Nehr-e-alqama

Toofan Uthana Tha Tujhay
Ya Sookh Jana Tha Tujhay
Kuch Tu Nay Kidhmat Hi Na Ki
Aey Waey Nehr-e-alqama

Ek Mashq Pani Kay Liye
Abbas Kay Shanay Katay
Naddi Lahoo Ki Behgayi
Aey Waey Nehr-e-alqama

Dubay Lahoo Main Yaq Kalam
Kya Kya Ghazalan-e-haram
Dekhiye Kashti Doobti
Aey Waey Nehr-e-alqama

Ek Chadar-e-abay Rawan
Auray Huye Tu Nohakhwan
Zainab Ki Yeh Bechadari
Aey Waey Nehr-e-alqama

Qabzay Main Teray Aab Ho
Aur Pyaas Say Betaab Ho
Sheh Kay Chaman Ki Har Kali
Aey Waey Nehr-e-alqama

Ashq-e-sakina Behgaye
Mou Dekh Tay Sab Rehgaye
Tu Aur Teri Dariyadili
Aey Waey Nehr-e-alqama

Yeh Kaun Sa Dastoor Tha
Mehmaan Kitni Door Tha
Kya Paoun Main Zanjeer Thi
Aey Waey Nehr-e-alqama

Khaima Rahey Shabeer Ka
Youn Dhoop Main Jalta Hua
Sahil Pe Ho Fauj-e-shaki
Aey Waey Nehr-e-alqama

Hasrat Ki Ek Tafseer Thi
Khud Tere Dil Par Teer Thi
Jo Mauj Uthi Aisi Uthi
Aey Waey Nehr-e-alqama

Aata Hai Usko Yaad Jab
Vo Karvanay Tashnalab
Hai Najm Ka Nauha Yahi
Aey Waey Nehr-e-alqama

Similar Videos