https://www.humaliwalyazadar.com/2019/05/ayyam-e-ali-nohay-2019.html https://www.humaliwalyazadar.com/2019/02/manqabat-2019.html

Khat Fatima Sughra Nay Ye baba Noha Lyrics Hassan Sadiq 1994

Khat Fatima Sughra ne ye baba ko likha hai
Bemaar hoo marti hoo ye sab tumko pata hai

Jis roz se dekha hai moharram ka naya chand
Ye kaise likun baba ke dil toot gaya hai
Khat Fatima Sughra ne....

Wada to kiya baba nibhane nahi aaye
Beemaar se kis baat pe moo pher liya hai
Khat Fatima Sughra ne....

Baba mujhe dasti hai ye tanhai watan ki x2
Ye ghar ki udaasi hai to phir qabr mei kya hai
Khat Fatima Sughra ne....

Laut aate hai ghar shaam ke hote hi parinde
Kunba mera kyon ab bhi safar mei hi raha hai
Khat Fatima Sughra ne....

Tum jab se gaye ghar se ye ghar qabr hai meri
Mai zinda hai aise ke koi laasha pada hai
Khat Fatima Sughra ne....

Baba mere asghar ka to kuch haal sunao
Us be-zaban ne mujhko kabhi yaad kiya hai
Khat Fatima Sughra ne....

Dekha hai Hasan Sadiq rehaan ke nawho mei
Ashkon ka samandar hai jo palkon pe ruka hai
Khat Fatima Sughra ne....

Socializer
SOCIALIZE IT →
FOLLOW US →
SHARE IT →