Ilove110110Qafle Hain Rawan Ja Baja
Main Phir Se Tanha Reh Gaya
Nikaal Koi Rasta Mola

Mola Tadap Raha Hoon
Dar Dar Bhatak Raha Hoon
Faryad Kar Raha Hoon

Mola Karbala Bula Le
Roza Dekha De Mola

Din Raat Aaisi Koi Nahi
Jo Tujhko Nahi Pukara
Majlis Main Ja Ke Anson Baha Ke
Har Saal Hai Guzara
Ye Saal Bhi Hai Bita
Phir Intazar Jita
Aaya Nahi Bulawa

Ye Bhi Dua Hai Jab Bhi Bulana
Aaisa Sabab Bnana
Maa Baap Mere Ulaad Meri
Aaye Mera Gharana
Mere Pass Kuchh Nahi Hai
Na Zar Hai Na Zameen Hai
Tujh Pe Hi Bus Yaqeen Hai

Yoon Be Qarar Kitna Hai Pyar
Ik Bar Aazmale
Jitni Thakan Ho Sokha Dahan Ho
Ya Paoun Main Hon Chhale
Paidal Safar Karo Ga
Sab Sakhtian Sahon Ga
Noha Tera Paroon Ga

Karbobala Main Zawaro Ka Main Khadim Bana Rahoon Ga
Maqib Main Ja Ke Khana Khila Ke
Saqai Bhi Karo Ga
Palken Bichhaon Ga Main
Sab Ko Bulaon Ga Main
Paon Dabaon Ga Main

Ghazi Ke Dar Pe De Ke Salami
Aaon Ga Tere Dar Pe
Do Badshaho Ki Saltanat Main
Jannat Ka Hoga Manzar
Aaise Haseen Lamhen
Qismat Main Meri Likh De
Ae Badshah Bulale


Tere Haram Ki Jali Pakar Ke
Liptta Rahon Ga Aaise
Mudat Ke Bad Masoom Bacha
Liptta Ho Maa Se Jaise
Sajde Karon Ga Mola
Ro Ro Ke Donga Pursa
Armaan Karde Pura

Daiko Ga Nahr e Alqama
Matam Karo Ga Pyas Ka
Zeen Se Gira Tha Tu Jahan
Makam e Sahib U Zamaan

Ja Kar Kaf e Abbas Par
Matam Karon Sar Peet Kar

Khai Jahan Pe Sena
Makam e Akbar Hain Wahan
Mukam e Asghar Pe Jao Ga
Jhole Pe Manat Badhaon Ga

Wo Khaima Gah e Be Qasa
Karon Ga Majlis Main Wahan

Bulaon Kaise Tu Bata
Wo Aik Tila Rait Ka
Satar Qadam Ka Fasla
Jahan Hai Teri Qatal Gah
Jahan Se Daikha Tha Bahen Ne
Chala Tha Khanjar Shimar Ka

Farhan o Mazhar Hai Dua
Mola Sar e Karbobala
De Qabar Ki Ham Ko Jagha

Ya Mola Karbala Bula Le
Roza Dekha De Mola