Baba Mere Baba
Haye Akbar Haye Akbar Haye Akbar

Akbar Ne Sina Khai Hai Unko Na Batana
Baba Phuphi Ama Se Mera Zakhm Chupana

Kis Tarhan Se Dekhein Gi Wo Ham Dono Ki Ghurbat
Wo Roin To Aa Jayein Gi Khamon Main Qayamat
Main Zakhm Chupa Leta Hon Tum Aansu Chupana
Baba Phuphi Ama Se Mera Zakhm Chupana
Akbar Ne Sina Khai Hai Unko Na Batana
Baba Phuphi Ama Se Mera Zakhm Chupana

Tasweer E Muhammad Hai Bare Nazon Se Pali
Mar Jaye Na Khame Main Meri Palne Wali
Harghiz Ye Mera Hath Na Sine Se Hatana
Baba Phuphi Ama Se Mera Zakhm Chupana
Akbar Ne Sina Khai Hai Unko Na Batana
Baba Phuphi Ama Se Mera Zakhm Chupana

Mari Hai Sina Sine Pe Ye Kah Ke Laain Ne
Pholon Ki Tarhan Pala Hai Akbar Ko Phuphi Ne
Lashe Pe Aba Khemon Se Pehle Hi Urhana
Baba Phuphi Ama Se Mera Zakhm Chupana
Akbar Ne Sina Khai Hai Unko Na Batana
Baba Phuphi Ama Se Mera Zakhm Chupana

Iss Bar Shahadat Ko Utha Legi Imamat
Bhai Se Chupana Nahi Ik Bar Ki Ghurbat
Sajjad Ko Tafseer Shahadat Ki Sunana
Baba Phuphi Ama Se Mera Zakhm Chupana
Akbar Ne Sina Khai Hai Unko Na Batana
Baba Phuphi Ama Se Mera Zakhm Chupana

Mamta Unhein Lashe Pe Mere Layegi Baba
Be Sakhta Wo Muj Se Lipat Gaye Gi Baba
Mumkin Ho To Lashe Se Unhein Dur Hatana
Baba Phuphi Ama Se Mera Zakhm Chupana
Akbar Ne Sina Khai Hai Unko Na Batana
Baba Phuphi Ama Se Mera Zakhm Chupana

Jo Khak Bhari Hai Mere Balon Se Chhura Do
Chehre Pe Lahu Hai Mere Daman Se Hata Do
Wo Zid Jo Zeyada Kare Bas Chehra Dikhana
Baba Phuphi Ama Se Mera Zakhm Chupana
Akbar Ne Sina Khai Hai Unko Na Batana
Baba Phuphi Ama Se Mera Zakhm Chupana

Youn Neza Sitam Gar Ne Maya Mere Baba
Pehlo Bhi Shikasta Hai Hamara Mere Baba
Yad Aaye Ga Dadi Ka Unhain Zakham Purana
Baba Phuphi Ama Se Mera Zakhm Chupana
Akbar Ne Sina Khai Hai Unko Na Batana
Baba Phuphi Ama Se Mera Zakhm Chupana

Iss Haal Main De Sabar Khuda Binte Ali Ko
Akbar Ka Salam Aakhri Keh Dena Phuphi Ko
Zindan Bara Mushkil Hai Mere Khame Main Jana
Baba Phuphi Ama Se Mera Zakhm Chupana
Akbar Ne Sina Khai Hai Unko Na Batana
Baba Phuphi Ama Se Mera Zakhm Chupana

Har Baat Meri Aap Ki Bhemon Ke Liye Hai
Bas Aik Wasiyat Meri Sughra Ke Liye Hai
La Kar Khat E Sughra Meri Lashe Pe Sunana
Baba Phuphi Ama Se Mera Zakhm Chupana
Akbar Ne Sina Khai Hai Unko Na Batana
Baba Phuphi Ama Se Mera Zakhm Chupana

Dam Torte Akbar Ko Na Puhnche Koi Sadma
Moh Phair Ke Youn Rote Ho Maloom Hai Baba
Par Samne Sadat Ke Ansu Na Bahana
Baba Phuphi Ama Se Mera Zakhm Chupana
Akbar Ne Sina Khai Hai Unko Na Batana
Baba Phuphi Ama Se Mera Zakhm Chupana

Haye Uss Aakhiri Hichki Main Takullum Huwa Mehshar
Akbar Ne Kaha Hath Jo Peshani Pe Rakh Kar
Lo Ham Ko Ijazat Do Hame Door Hai Jana
Baba Phuphi Ama Se Mera Zakhm Chupana