Sham Walo Na Satao Sham Walo Na Satao.
Kehta Tha Muhari Ghurbat Pe Hamari Hans Kar Na Rulao.

Sar chacha Ka Mere Iss Waste Gir Jata Hai.
Unn Ko Behno Ka Khula Sar Jo Nazar Aata Hai.
Ghayoor Ke Sar Ko Lillah Na Logo Naize Pe Uthao.

Haye Kya Kya Na Sitam Dahaye Hain Hum Par Tum Ne.
Had Yeh Hai Cheez Li Tatheer Ki Chadar Tum Ne.
Aab Tum Wohi Chadar Naize Pe Utha Kar Hum Ko Na Dikhao.

Hum Ullil Amar Hain Shayad Yeh Nahi Tum Ko Khabar.
Hum Agar chahein Tu Barsein Abhi Tum Par Pathar.
Majboor Samajh Kar Haye Tum All-e-Nabi(SAWW) Par Pathar Na Girao.

Kaise Naize Pe Uthaya Giya Sar Asghar(AS) Ka.
Kaise Pamal Kiya Ibn-e-Hassan(AS) Ka Lasha.
Yeh Zulm Ke Qise Mat Samne Ja Ke Maaon Ko Sunao.

Sham-e-Aashoor Se Yeh Soi Nahi Hai Ab Tak.
Main To Roya Hoon Ye Roi Bhi Nahi Hai Ab Tak.
Tum Maar Lo Mujh Ko Haye Par Mere Phophi Ko Durey Na Lagao.

Raste Bhar ye Tarapte Rahe Pani Ke Liye.
Tum Ko Maloom Nahi Kab Se Hain Piyase Bache.
Bachon Ko Dikha kar Iss Tarha Zameen Par Pani Na Bahao.

Aaj Batti Hai Wahan Naam Pe Zainab(SA) Ke Rida.
Kal :TAKALLUM: Wahan Bemaar Mera Kehta Raha.
Yeh All-e-Nabi(SAWW) Hain Haye Tum Aise Na Inn Ko Be Parda Phirao.