Kaha Ro Ke Baqir(A.S) Ne Abid(A.S) Se Baba(A.S).
Sakina(S.A) Ko Kyun Chor Kar Ja Rahe Hain.
Hai Baba(A.S) Yahan Bala Ka Andherah.

Haan Dekha Hai Main Ne Safar Mein Yeh Manzar.
Jahan Pani Hota Tha Iss Ko Muyassar.
Tu Khud Apne Hise Ka Pani Hamesha.
Girati Thi Yeh Aap Ki Beriyon Par.
Muyasar Hai Ab Hum Ko Pani Tu Piyasa.

Jhukaye Howay Apna Sir Ro Rahi Hain.
Rehai Ki Sun Kar Khabar Ro Rahi Hain.
Tarapti Hain Dadi Rubab(S.A) Ayse Baba(A.S).
Keh Amma Bhi Thamay Jigar Ro Rahi Hain.
Batein Gay Kiya Gar Unho Ne Yeh Pocha.

Mujhe Yaad Hai Khud Yeh Kehte The Dada(A.S).
Madina Hai Iss Ke Sabab Se Madina.
Keh Meri Nazar Mein Wo Ghar Ghar Nahi Hai.
Nazar Jiss Mein Aye Na Mujh Ko Sakina(S.A).
Na Iss Ke Bina Phir Basay Ga Madina.

Madina Ho Ya Shaam-o-Karab-o-Bala Ho.
Keh Bazaar-o-Darbar Ka Marhala Ho.
Sada Har Sitam Hum Ne Jehla Hai Mil Kar.
Tu Phir Kyun Na Yeh Mere Dil Ki Sada Ho.
Mujhe Bhi Yehin Choor Jaein Aye Baba(A.S).

Mujhe Aaj Yaad Aa Raha Hai WO Lamha.
Giri Thi Jo Naqay Se Ik Din Sakina(S.A).
Lagay Aap Ki Pusht Par Tazyane.
Magar Aap Ne Qafila Rokay Rakha.
Rukha Lein Yunhi Qafila Aaj Baba(A.S).

Achanak Nigahein Parein Jo Lahad Par.
Sawalaat Phir Lab Pe Aye na "AKBAR".
Sakina(S.A) Ki Turbat Ko Seene Lagaye.
Padar Se Ye Kehne Lagay Ro Ke Baqir(A.S).
Samaj Mein Meri Aab Hai Baba(A.S) Ye Aya.