Haye Zahra (sa) Haye Sakina (sa)
Sakina Aur Zahra Ki Musibat Ek Jesi Hai
(Hai Tooti Pasliyan Dono)x2, Ki Halat Ek Jesi Hai
Sakina Aur Zahra Ki Musibat Ek Jesi Hai
Vahan Bint-e-Rasollallah Ka, Pehlu Shikasta Hai
Yahan Bacchi Kay Kanon Say, Abhi Bi Khoon Rista Hai
(Lehad Main Jakay Dono) x2, Ki Gurbat EkJesi Hai
Sakina Aur Zahra Ki Musibat Ek Jesi Hai
Vahan Qunfuz Kay Hathon Ne, Koi Tehreer Likhi Hai
Yahan Tahreer Zalim Shimr Ke, Hathon Ki Milti Hai
Likhi Dono Kay Chehron Par, Ibarat Aik Jesi Hay
Sakina Aur Zahra Ki Musibat Ek Jesi Hai
Gayi Ek Ek Dar Par Fatima, Shehr-e-Madina Main
Sakina Dar Badar Phirti, Rahi Hay Sham O Koofa Main
Wilayat Kay Liye Inki, Musafat Aik Jesi Hai
Sakina Aur Zahra Ki Musibat Ek Jesi Hai
Sar-e-Darbar Dadi Aur, Poti Ki Hui Peyshi
Wo Atthara Baras Ki Aur, Yeh Hai Char Barson Ki
Na Jany Phir Bhi Kyu Balon, Ki Rangat Ek Jesi Hai
Sakina Aur Zahra Ki Musibat Ek Jesi Hai
Usay kehtay The Yasrab Wale, Roye Shehr Say Bahar
Tamachay Martay The Sham Wale Is Ko Rone Par
(Dilon Main Baap Ko Rone) x2, Ki Hasrat Ek Jesi Hai
Sakina Aur Zahra Ki Musibat Ek Jesi Hai
Sitamgar Kay Tamachay Ki, Na Jaane Kaisi Zarbat Ha
Saharay Say Chaly Deewar Ke, Dono Qayamat Hai
Nazar Kuch Bhi Nahi Ata, Basarat Ek Jesi Hai
Sakina Aur Zahra Ki Musibat Ek Jesi Hai
Gale Say Murtaza Ke Rassiyan, Zahra Churati Hai
Sakina Toq Pay Sajjad Ke, Pani Bahati Hai
(Imamat Kay LiyeDono) x2, Ki Mehnat Ek Jesi Hai
Sakina Aur Zahra Ki Musibat Ek Jesi Hai
Mita Dena Nishanay Qabr-e-Mayyat, Qabr Main Rakh Kar
Wilayat Ka Koi Munkir Nahi, Aaye Janazay Par
Imam e Waqt Say Unki, Wasiyat Aik Jesi Hai
Sakina Aur Zahra Ki Musibat Ek Jesi Hai
Qayamat Ban Kay Aya Tha, Takallum Waqt Maghrib Ka
Idhr Bali Sakina Ka, Udhar Zahra Ka Dam Nikla
(Jahan Se Inke Jaane Ki) x2, Bhi Saa-at Ek Jesi Hai
Sakina Aur Zahra Ki Musibat Ek Jesi Hai
