Haye Mazlooma FATIMA ZEHRA (s.a) Noha Lyrics Farhan Ali Waris 2016

 HAEY MAZLOOMA FATIMA ZEHRA(s.a.)
HAEY MAZLOOMA FATIMA ZEHRA(s.a.)

JAISAY SADMAY TU NAY BIBI(s.a.) HAEY UTHAAEY RAAT DIN
GAR YEH PARH JAATAY DINO'N PE, MISL-E-SHAB HO JAATAY DIN
HAAEY MA'ASOOMA FATIMA ZEHRA(s.a.)

===========

TERI SACHCHAAI PE KARTA NAAZ HAI RABB-E-JALI(j.j.)
ummati darbaar MEIN TU HAAEY JHUTLAAI GAIEE
HAQ NAHI'N PAAYA FATIMA ZEHRA(s.a.)

===========

TERAY DAR PAR KHUD RISALAT JHUK KAY KARTI THI SALAM
PAR NAHI'N ummat NAY SAMJHA TERAY IS DAR KA MAQAAM
DAR JALA DAALA FATIMA ZEHRA(s.a.)

===========

GHAM ABHI BHOOLA NAHI'N THA TERAY BABA(s.a.w.w.) KA TUJHAY
EK NAYA GHAM MIL GAYA HAI TERAY MOHSIN(a.s.) KA TUJHAY
HAAEY MAZLOOMA FATIMA ZEHRA(s.a.)

===========

YA ALI(a.s.) YA ALI(a.s.) YA ALI(a.s.) YA ALI(a.s.)

MU'AF KARNA WAALI-O-MOLA MERAY PIYARAY ALI(a.s.)
AAP KI KHIDMAT JO POORI KAR NA PAAO'N YA ALI(a.s.)
RO DIYAY MOLA(a.s.) FATIMA ZEHRA(s.a.)

===========

BA'AD MERAY PIYAR SAY BACHCHO'N KO RAKHNA YA ALI(a.s.)
NA KABHI MEHSOOS HONAY DIJIEAYGA MERI KAMI
RO DIYAY MOLA(a.s.) FATIMA ZEHRA(s.a.)

===========

SHAB KI TAREEKI MEIN MAIYYAT KO MERI LAY JAANA TUM
YA ALI(a.s.) UN zalimo'n(L.a.) KO HAR GIZ NA AANAY DAINAY TUM
THI WASIYAT YA FATIMA ZEHRA(s.a.)

===========

ZAKHMI PEHLOO KO SANBHAALAY ROTI HAIN DILGEER WOH
JANAY KION HASRAT SAY TAKTI REHTI HAIN SHABBIR(a.s.) KO
SOCHTI HAIN KIA FATIMA ZEHRA(s.a.)

===========

BA'AD MERAY KARBALA MEIN SHEH(a.s.) KI NUSRAT KAY LIYAY
YA ALI(a.s.), FARZAND EIK ABBAS(a.s.) HONA CHAHIEY
KARTI HAIN YEH DUA FATIMA ZEHRA(s.a.)

===========

SEENA-E-SHABBAR(a.s.) KO CHOOME'N AUR KABHI SHEH(a.s.) KA GALA
CHOOM KAR ZAINAB(s.a.) KAY BAAZOO KARTI HAIN AAH-O-BUKA
YAAD AAYA KIA FATIMA ZEHRA(s.a.)

===========

KEHTI HAIN FIZZA(s.a.) SAY BIBI(s.a.) AEY KANEEZ-E-BAWAFA
TERAY ZIMMAY ZAINAB(s.a.)-O-KULSOOM(s.a.) KO MAIN NAY KIYA
ROTI HAIN FIZZA(s.a.) FATIMA ZEHRA(s.a.)

===========

ZAKHM-E-TAN SAY ZAKHM-E-MAN SAY GHAIR HAALAT HOGAI
WAQT WOH AAYA KE BIBI(s.a.) KI SHAHADAT HOGAI
ARSH THARRAYA FATIMA ZEHRA(s.a.)

===========

ZAINAB(s.a.)-O-KULSOOM(s.a.)-O-FIZZA(s.a.) SHABBAR(a.s.)-O-HAIDER(a.s.) YAHA'N
DOOR KONAY MEIN KHARHAY SHABBIR(a.s.) ROTAY HAIN WAHA'N
MAAJRA HAI KIA FATIMA ZEHRA(s.a.)

===========

KEHTAY HAIN HAIDER(a.s.), KIA MADAR(s.a.) KAY QAREE'N NA AAE'NGAY
BOLAY SHEH(a.s.) AMMA'N(s.a.) BULAE'NGI HUMEIN TO AAE'NGAY
KIA HAI RABB(j.j.) KI RAZA FATIMA ZEHRA(s.a.)

===========

SUN KAY AAWAAZ-E-SHAH-E-DEE'N KHUL GAEY BAND-E-KAFAN
AAI BIBI(s.a.) KI SADA AA LA'AL MERAY GUL BADAN
MAA'N HO TUJH PEH FIDA FATIMA ZEHRA(s.a.)

===========

AAJ BHI BIBI(s.a.) TERI MARQAD BARHI WEERAAN HAI
AUR ZIYARAT KA TAMANNAAI TERA "Farhan" HAI
TUM BULA LO NA'N FATIMA ZEHRA(s.a.)

Socializer
SOCIALIZE IT →
FOLLOW US →
SHARE IT →