Ye khat mey shaah Ney likkhaa habeeb aajaao
Tumhaara dost hai tanhaa habeeb aajaao


Shaheed kaisey huwa wo bataaogey aakar
T um haal e Muslim e beykass sunaaogey aakar

Ruqayya taktii hai rastaa habeeb aajaao

Lagaao issey bhi andaazey meri gurbat ke
Jahaa' pey Ibney Ali likhna tha wahaa' my Ney

Diyaa hai MAA ka hawaala habeeb aajaao

Bataa rahaa tha usey koi bhi nahii hai Mera
To boli saaniye zehra habeeb aayega

Hai usko tumpey bharosa habeeb aajaao

Wo jab ye sunti hai Koofey se aarahey hai shaqee'
To poochtii hai hamaara bhi aayega koi

Duwaaye deygi Sakina habeeb aajaao

Gawaara Kar nahi' saktii Husain ki gairat
Tumhaari zauja ki chaadar ko lootley ummat

Tum usko chorhkey koofa habeeb aajaao

Mujhey hai yaad wo lamhaa Jo rabb ki marzii se
Tum hokey zinda Meri baat sunney aaye they

Bulaa rahaa Hoon dubaara habeeb aajaao

Darr e Batool dubaara jalaaya jaayega
Tumhaarey dost pey khanjar chalaaya jaayega

Nahi' hai waqt zyaada habeeb aajaao

Chamaktey Chaand ki humko bhi deed hojaaye
Tum aao to merey bacho' mey Eid hojaaye

Bohat udaas hai kunba habeeb aajaao

Ye khat nahi' isey behno'n ki aarzu samjho
Hamaarey lafz ko zainab ki guftagu samjho

Behan ye kehti hai Bhayya habeeb aajaao

Bahan Ney usko takallum Jo Bhai samjhaa tha
Pukaari Shaam gareeba mey saaniye zehra

Hamaara lut'taa hai pardaa habeeb aajaao