Faqeer Ki Sada Hussain (as) Hai Manqabat Lyrics Mir Hasan Mir 2018

ads1





 Jo Bandagi Ka Naaz Hai Haqeeqat-e-Namaz Hai Woh Banda-e-Khuda Hussain Hai.

Nazar Hai Khaimagah Par Zameen-o-Aasman Ki.
Sakoot Mein Hai Zindagi Ghari Hai Imtehan Ki.
Hai Sans Maut Ki Ruki Larz Rahi Hai Roshni.
Diya Bhuja Raha Hussain Hai.

Aye Jane Walay Ruk Zara Udas Kyun Hai Iss Qadar.
Qalam Hai Oss Ke Hath Mein Hussain(AS) Se Tu Baat Kar.
Yeh Looh Phir Banaye Ga Tujhe Pisar Dilaye Ga.
Khuda Ka Ladla Hussain(AS) Hai.

Sumo Se Zuljina Ke Yeh Arsh Kyun Lipat Gaya.
Falak Pe Mehar Ruk Gaya Furat Piche Hat Gaya.
Hai Zalzala Zameen Ko Abhi Tu Aasteen Ko.
Ulatne Ja Raha Hussain(AS) Hai.

Falak Pe Likhe Jate Thay Naseeb Kal Ki Baat Thi.
Kareem Ke Zahoor Se Rawish Yeh Ab Badal Gayi.
Yahin Pe Ho Ga Sab Raqam Utha Ke Looh Our Qalam.
Zameen Pe Aa Gaya Hussain(AS) Hai.

Ameer Ko Salam Kar Kissi Ne Jab Yeh Di Sada.
Pukara Muslim-e-Ali(AS) Main Qaid Hoon Tu Kya Howa.
Salam Kyun Karon Issay Pata Nahi Hai Kya Tujhe.
Ameer Bas Mera Hussain(AS) Hai.

Hussain(AS) Ne Yeh Tarbiyat Batool(SA) Se Hi Payi Thi.
Bacha Li Apne Khon Se Wilayat-e-Ali Wali.
Gali Gali Nagar Nagar Ali Ali Hai Ab Magar.
Ali(AS) Ke Lab Pe Ya Hussain(AS) Hai.

Ajab Safar Hai Ishq Ka sakoon Aablon Mein Hai.
Najaf Se Karbala Talak Yeh Shoor Qafiloon Mein Hai.
Chalo Hussainiyo Chalo Zara Sa Taiz Our Chalo.
Tumhein Bula Raha Hussain(AS) Hai.

Woh Apne Dost Ke Liye Qaza Ka Sar Utar De.
Majal Kya Hai Maut Ki Habib(AS) Ko Maar De.
Hayat Maut Laye Gi Palat Ke Ab Tu Aaye Gi.
Zaban De Chuka Hussain(AS) Hai.

Takallum-e-Hussainiyat Yeh Oss Ka Inteqam Hai.
Ali(AS) Ki Ladli Hai Ab Azza Ka Sab Nizam Hai.
Bata Rahi Hai Yeh Zameen Yazeediyat Kahin Nahi.
Jagah Jagah Pe Ya Hussain(AS) Hai.






ads2
Socializer
SOCIALIZE IT →
FOLLOW US →
SHARE IT →