Merey Ghazi Jari Noha Lyrics Nadeem Sarwar 2006

Abbas Abbas Abbas

(Ghazi Abbas ko deke dee(n) ka alam) x2

Bole sibt-e-nabi mera ik kaam kar

Mere bazu alamdar-e-shaah-e-wafa

Ay ghani-o-sakhi mera ik kaam kar

Ay khuda-e-wafa sayyeada ki dua

Jurraton ke wali mera ik kaam kar

Ay sabke wali ay meri zindagi

Misle naade Ali mera ik kaam kar

Chahta hai ye Shabbir bhai mere

Aaj tak tera jaaho Hasham dekhle

Is tarah shamiyon se tu kar guftagoo

Lahjaye haidery ka bharam dekhle

Ab ye parda utha inko jaake bata

Azme Shabbir azme Hussaini hai kya

Hum muhafiz hai Quran-o-islam ke

Kis liye aaya hai bar sare Karbala

Bol aise ke khaliq ko kehna pare

Zate haider ke aqqas kya baat hai

Aaj nehje balagha ka khaliq kahe

(Wah mere laal Abbas kya baat hai) x2

Zaate Haider ke aqqas kya baat hai

(Mere ghazi jari teri kya baat hai) x2

    (Baat aqa ki ghazi ne jis dam suni) x2

    Daftan sher ne ek angraee li

    Shaam ki fauji mein mach gayi khalbali

    Log kehne lage aa gayi kya Ali

    (Aur roohe Ali muskurane lagi) x2

    Wah mere laal Abbas kya baat hai

    (Mere ghazi jari tere kya baat hai) x2
    Bole Abbas ye lashkare shaam se

    Wo jo waqif nahi hai mere naam se

    Ba khabar wo nahi apne anjaam se

    Munsalik mei bhi hu(n) unke paighaam se

    (Yu(n) nawaza mujhe sheh ne inaam se) x2

    Wah mere laal Abbas kya baat hai

    (Mere ghazi jari tere kya baat hai) x2
    Mei bataawu tumhe kon shabbir hai

    Aqse islam Quran ki tafseer hai

    Khuld baagh-e-iram uski jageer hai

    Uske qadmo(n) tale hur ki taqdeer hai

    (Mere baare mei uski ye taqreer hai) x2

    Wah mere laal Abbas kya baat hai

    (Mere ghazi jari tere kya baat hai) x2
    Ye ghulaami ye sheh ka sharaf hai mila

    Malkae khuld ne mujh ko beta kaha

    Naam Abbas Zainab ne mera rakha

    Jhula Shabbir ne hai jhulaya mera

    (Phir Hassan ne gale se laga kar kaha) x2

    Wah mere laal Abbas kya baat hai

    (Mere ghazi jari tere kya baat hai) x2
    Pyaas bacho(n) ki laayi yaha tak mujhe

    Mashk ek bhar ke le jaawunga neher se

    Mere aaqa ne roka laraayi se hai

    Warna roke mujhe hosla hai kise

    (Mei hu betab sunlo yahi ek sada) x2

    Wah mere laal Abbas kya baat hai

    (Mere ghazi jari tere kya baat hai) x2
    Jab mukammal huwa zindagi ka safar

    Bola shabbir se bawafa nehr par

    Apne pairo(n) pe rakh lijiye mera sar

    Khush ho ummul banee(n) jab sune ye khabar

    (Mere bete se Shabbir ne keh diya) x2

    Wah mere laal Abbas kya baat hai

    (Mere ghazi jari tere kya baat hai) x2
    Haay "Rehan-o-Sarwar" ajab waqt tha

Hoke be dast jab mera ghazi ghira

Bawafa ka alam khu(n) mei tar hogaya

Ruh-e-zehra pukaari sar-e-karbala

(Tune saqqayi ka haq ada kar diya) x2

Wah mere laal Abbas kya baat hai

(Mere ghazi jari tere kya baat hai) x2