Haye Sughra (S.a.)…..3
Bhayya Ali Akbar (A.s) …..4
Bhayya Ali Akbar (A.s) …..2
Sughra (S.a.) Ne Ye Khat Akber (A.s.) Ko Likha
Kaisey Ho Merey Payaarey Bhayya
Bichhrey Huey Arsaa Beet Gaya
Kab Tak Ye Behan Dekhey Rasta
Jab Ghar Ko Parindey Jaatey Hain
Kiyaa Ham Bhi Tumhay Yaad Aatey Hain…..2
Jab Ghar Ko Parindey Jaatey Hain
Kiyaa Ham Bhi Tumhay Yaad Aatey Hain
Lo Qasid-e-Sughra (S.a.) Ghar Se Chala
Likha Hai Bataao Aey Bhayya
Ab Tak Na Khayaal Aaya Mera
Kia Aisi Hui Hai Mujh Sey Khataa
Kia Aisey Rooth Ke Jaatey Hain
Kiyaa Ham Bhi Tumhay Yaad Aatey Hain…..2
Jab Ghar Ko Parindey Jaatey Hain
Kiyaa Ham Bhi Tumhay Yaad Aatey Hain
Sab Chor Gaye Ham Ko Tanha
Kis Haal Main Hoon Kia Tum Ko Pata
Bimaar Ko Dey Ab Koun Dawa
Aa Jao Jo Tum Main Paaun Shifa
Jab Chain Se Sab So Jaatey Hain
Kiyaa Ham Bhi Tumhay Yaad Aatey Hain…..2
Jab Ghar Ko Parindey Jaatey Hain
Kiyaa Ham Bhi Tumhay Yaad Aatey Hain
Jab Baali Sakina (S.a.) Aur Asghar (A.s.)
Miltey Hain Galey Tum Se Hanss Kar
Aur Saath Main Hoon Maan Aur Padar
Bus Itna Bata Bhayya Akbar (A.s.)
Sab Ghar Main Hanstey Hansaatey Hain
Kiyaa Ham Bhi Tumhay Yaad Aatey Hain….2
Jab Ghar Ko Parindey Jaatey Hain
Kiyaa Ham Bhi Tumhay Yaad Aatey Hain
Jab Jab Bhi Mussalley Per Bhayya
Kartey Ho Namaz-e-Fajar Adaa
Bimaar Ke Haq Main Behar-e-Shifaa
Kartey Hain Dua Merey Baba (A.s.)
Sab Apney Haath Uthhaatey Hain
Kiyaa Ham Bhi Tumhay Yaad Aatey Hai…..2
Jab Ghar Ko Parindey Jaatey Hain
Kiyaa Ham Bhi Tumhay Yaad Aatey Hain
Qasim (A.s.) Jo Sakina (S.a) Ko Bhayya
Deta Hai Koi Laa Kar Tohfa
Dono Se Galey Mil Kar Baba (A.s)
Detey Hain Dua Ley Kar Bosa
Aur Payar Se Sar Sehlaatey Hain
Kiyaa Ham Bhi Tumhay Yaad Aatey Hain…..2
Jab Ghar Ko Parindey Jaatey Hain
Kiyaa Ham Bhi Tumhay Yaad Aatey Hain
Jab Ghar Main Khushi Ka Ho Sama
Sab Aik Jagaah Hoon Peer O Jawaan
Khush Deykh Ke Sab Ko Hon Ammaa'n
Aa Jaaye Koi Ghar Main Mehmaan
Jab Dastar Khuwaan Bichhaatey Hain
Kiyaa Ham Bhi Tumhay Yaad Aatey Hain…..2
Jab Ghar Ko Parindey Jaatey Hain
Kiyaa Ham Bhi Tumhay Yaad Aatey Hain
Hasrat Hai Tera Sehra Dekhoon
Maan Jaaye Tera Maatha Choomu'n
Baatain To Bohat Hain Kia Likhoo'n
Nadaar Hoon Bhayya Kia Bhejoo'n
Ehbaab Jo Tohfey Laatey Hain
Kiyaa Ham Bhi Tumhay Yaad Aatey Hain….2
Jab Ghar Ko Parindey Jaatey Hain
Kiyaa Ham Bhi Tumhay Yaad Aatey Hain
Jab Zikr Kabhi Hota Ho Ga
Maan Jaaye Tumhaari Shaadi Ka
Khush Hon Gi Sakina s.a Aur Kubra s.a
Baandhey Ga Ali Akbar a.s Sehra
Khushiyo'n Ke Phool Khil Aatey Hain
Kiyaa Ham Bhi Tumhay Yaad Aatey Hain…..2
Jab Ghar Ko Parindey Jaatey Hain
Kiyaa Ham Bhi Tumhay Yaad Aatey Hain
Kia Aur Likhoo'n Kia Batlaau'n
Dil Cheer Ke Kaisey Dikhlaau'n
Khud Aao Ke Tum Ko Bulwaau'n
Bhayya Main Tujhey Kaisey Paau'n
Bus Tanha Ashk Bahaatey Hain
Kiyaa Ham Bhi Tumhay Yaad Aatey Hain…..2
Jab Ghar Ko Parindey Jaatey Hain
Kiyaa Ham Bhi Tumhay Yaad Aatey Hain
Qasid Jo Khat-e-Sughra (S.a.) Laaya
Ik Baap Kamar Thaamey Tha Khara
Bhaai Ke Labo'n Per Tha Sughra (S.a.)
Ro Ro Ke Shanawar Aur Raza
Khat Ka Sughra (S.a.) Ka Dohraatey Hain
Bhayya Ali Akbar (A.s) …..4
