Jao Ke Na Ab Dayer Karo Noha Lyrics Nadeem Sarwar 2005

Qafela lutgaya amma mera lashkar na raha, amma nana ki nishaani Ali Akbar na raha, rehgaya dard-e-kamar haaye baradar na raha. Ab khabar aapne li ghar ki ke jab ghar na raha. Aur ab dam-e-zibha ye pure mere armaa(n) karna. Arsh ke niche na baalo(n) ko parishaa(n) karna

(Jaao ke na ab deyr karo, dekho na amma, ab laal tera zeen pe hai aur na zamee(n) par) x3

    Aap aayi hai amma mei salaami ko na uttha

    Hai dard kaleje mei jo uthna nahi deta

    Hasrat se tere pehle mei dam mera nikalta

    Mei cheyn se sojata tere god mei madar

    Ab laal tera zeen pe hai aur na zamee(n) par, Jaao ke na ab deyr karo, dekho na amma, ab laal tera zeen pe hai aur na zamee(n) par
    Are kuch deyr mei neze pe rakha honga mera sar

    Na dekhna us waqt mujhe madar-e-muztar

    Chaljayenga us waqt tere qalb pe khanjar

    Gore abhi dorenge meri laash ke uppar

    Ab laal tera zeen pe hai aur na zamee(n) par, Jaao ke na ab deyr karo, dekho na amma, ab laal tera zeen pe hai aur na zamee(n) par
    Mei subh se ta asr uthata raha lashe

    Daman mei chune qasim-e-nawshaah ke tukre

    Lipta Ali Akbar ka kaleja tha sina se

    Amma mere chehre pe hai khun-e-Ali Asghar

    Ab laal tera zeen pe hai aur na zamee(n) par, Jaao ke na ab deyr karo, dekho na amma, ab laal tera zeen pe hai aur na zamee(n) par
    Is haal mei amma hai teri god ka pala

    Maqtal mei mera khogaya har eik ujaala

    Hai kon Sakina ko meri poochne wala

    Soeyngi mere sine pe kaise meri dukhtar

    Ab laal tera zeen pe hai aur na zamee(n) par, Jaao ke na ab deyr karo, dekho na amma, ab laal tera zeen pe hai aur na zamee(n) par
    Dekho to qayamt hai bapa ehl-e-haram mei

    Khayme se nikal aayi hai Zainab mere gham mei

    Ab ane ko hai bibiya(n) bahar koi dam mei

    Samjaawo unhe amma rahe khayme ke andar

    Ab laal tera zeen pe hai aur na zamee(n) par, Jaao ke na ab deyr karo, dekho na amma, ab laal tera zeen pe hai aur na zamee(n) par
    Lo saans ubharne lagi dil doob raha hai

    Nazro(n) mei meri Zainab-e-muztar ki rida hai

    Abid se thi umeed so wo ghash mei para hai

    Kya honga mere baad Sakina ka muqaddar

    Ab laal tera zeen pe hai aur na zamee(n) par, Jaao ke na ab deyr karo, dekho na amma, ab laal tera zeen pe hai aur na zamee(n) par
    Ay "Sarwar-o-Rehan" bayaan kaise ho manzar

Sheh kehte the amma ye kara waqt hai mujpar

Kistarha kaleje se lagu aapke uth kar

Kyu munga qadam aapke ab mei lab-e-quasar

Ke ab laal tera zeen pe hai aur na zamee(n) par, Jaao ke na ab deyr karo, dekho na amma, ab laal tera zeen pe hai aur na zamee(n) par

Socializer
SOCIALIZE IT →
FOLLOW US →
SHARE IT →