Pyasi Sakina Ke Pyase Brader
Mazloom Baba Ke Mazloom Dilbar
Sare Azadar Kahte Hain Ro Kar
Sun Lo Hamari Bhi Fariyad Asghar

Aey Chotay Babul Hawaij Karam
Bibi Sakina Ki Tumko Qasm

Mahroom Hai Jo Bhi Aulad Se
Aulad Kar Do Ata Tum Use
Ro Ro Ke Kahti Hain Sab Bibiyañ
Jhule Se Kurta Uthate Huye
Asghar Kaneezon Ka Rakh Lo Bharam
Bibi Sakina Ki Tumko Qasm
Aey Chotay Babul Hawaij Karam
Bibi Sakina Ki Tumko Qasm

Maloom Hai Tumko Aye Be Zaban
Rahmat Hain Ghar Ke Liye Betiyan
Har Baap Ki Bas Yehi Hai Dua
Mahfooz Hon Sabki Shahzadiyan
Sar Baap Ka Ho Kabhi Bhi Na Kham
Bibi Sakina Ki Tumko Qasm
Aey Chotay Babul Hawaij Karam
Bibi Sakina Ki Tumko Qasm

Fariyad Hai Karbala Ke Ali
Manga Hai Farsh E Aza Par Yehi
Un Sabke Baazu Salamat Rahain
Shabbir Ke Jo Bhi Hain Maatmi
Baaqi Rahe Unke Seeno Me Dam
Bibi Sakina Ki Tumko Qasm
Aey Chotay Babul Hawaij Karam
Bibi Sakina Ki Tumko Qasm

Ghazi Ka Parcham Uthate Rahain
Mashk E Sakina Sajate Rahain
Sar Par Hussaini Kafan Bandh Kar
Ham Sab Julooson Me Jate Rahain
Uncha Rahe Bawafa Ka Alam
Bibi Sakina Ki Tumko Qasm
Aey Chotay Babul Hawaij Karam
Bibi Sakina Ki Tumko Qasm

Aye Besaharon Ke Mushkil Kusha
Aasan Kar Do Mera Raasta
Us Raah Ka Wasta Hai Jahan
Kanton Pe Sajjad Chalta Raha
Roke Na Mushkil Hamare Qadam
Bibi Sakina Ki Tumko Qasm
Aey Chotay Babul Hawaij Karam
Bibi Sakina Ki Tumko Qasm

Pardesh Me Wo Bahan Apki
Jo Shaam Karbobala Se Chali
Rahon Me Itne Tamache Lage
Chehray Ki Rangat Badalti Rahi
Rotay Rahe Uski Ghurbat Pe Ham
Bibi Sakina Ki Tumko Qasm
Aey Chotay Babul Hawaij Karam
Bibi Sakina Ki Tumko Qasm

Zeeshan O Irfan Ki Hai Sada
6 Maah Wale Suno Ye Dua
Sunte Hain Sabki Duaein Jahan
Baali Sakina Ke Pyase Chacha
Ik Baar Ham Dekh Le Wo Haram
Bibi Sakina Ki Tumko Qasm
Aey Chotay Babul Hawaij Karam
Bibi Sakina Ki Tumko Qasm