ujad gaya hai batool ka ghar hussain chup hai
khuda ki marzi may sar jhuka kar hussain chup hai
ya ghareeb ya hussain

ye sabr ki kaunsi hai manzil
pisar ka barchi se chid gaya dil
wo has raha hai sirhane qatil
uthaaye haaton pe laashe akbar, hussain chup hai
ujad gaya hai....

gaya hai laakhon may wo akela
chalaye jaate hai teer aada
kahin se barchi kahin se bhaala
baras rahe hai kahin se pathar, hussain chup hai
ujad gaya hai....

laga hai kyon mere dil ko dhadka
lahoo se kiske ye tar hai chehra
kahan hai asghar batayein maula
sawaal asghar ki maa ka sunkar, hussain chup hai
ujad gaya hai....

naseeb-e-raahib jo sheh ne badla
yahan pe khamosh kibriya tha
magar ye manzqar hai karbala ka
yahan pe dekar khuda ko akbar, hussain chup hai
ujad gaya hai....

kaha ye qasid ne roke maula
mareez beti ka khat hoo laaya
salaam sabko hai usne likha
salaam ka bas jawab dekar, hussain chup hai
ujad gaya hai....

hue hai zakhmo se chur maula
badan se behta hai khoon ka darya
kahe to rakh doo ulat ke dunya
madad ko aaya hai ran may zaafar, hussain chup hai
ujad gaya hai....

ladi akela may wo ladaai
duhaai dene lagi khudaai
sada jyon hi irjaii ki aayi
nayaam may zulfiqar rakh kar, hussain chup hai
ujad gaya hai....

hussain gohar ye jaanta hai
safar ye chaudo sao saal ka hai
sitam jo ab tak wo seh raha hai
hai raaz isme koi to akbar, hussain chup hai
ujad gaya hai....