ya fatema ya tahera
khayrun nisa ya umme abiha
salaam maadare hussain
jabeen ne waqt pe likha hai bas yehi
maa ho to maadare hussain si
hussain paal ke jis ne diya zamaane ko
jabeen ne waqt pe likha bas yahi
maa ho to maadare hussain si
salaam maadare hussain
ye baat jaa ke kisi maa ke dil se puche koyi
tum apne laal ko maqtal me dekh paawogi
kaleja thaam ke wo maa kahegi sirf yehi
is imtehaan se guzri thi bas wahi
maa ho to maadare hussain si
salaam maadare hussain
hussain pushte faras se gire jo reti par
sarhaane aagayi dil thaame maadare muztar
laraz rahi thi khudaayi ye dekh ke manzar
har ek mauje alqamaa ye keh uthi
maa ho to maadare hussain si
salaam maadare hussain
jo dekha maa ne ke beta shadeed hai zakhmi
to apne baalon se maqtal ko saaf karne lagi
tarap ke ruhe khadija ye ban me kahti thi
ye maa to sabr ki had se guzar gayi
maa ho to maadare hussain si
salaam maadare hussain
laeen aaya jo teghe sitam sambhaale huwe
sare hussain ko zaanu pe rakh liya maa ne
khud apne laal ke zakhmo se teer bhi khentche
labe rasool pe faryaad thi yahi
maa ho to maadare hussain si
salaam maadare hussain
gire the pyaar ke aansu pisar ke zakhmo par
hussain zibha huwe fatema ke haathon par
ye bain aaye the us dam ali ke hoton par
zameene karbobala keh ke ro pari
maa ho to maadare hussain si
salaam maadare hussain
ye hi thi mazharo irfan tarbiyat maa ki
jo karbala ke bayaabaan me rang laayi thi
khiraaj pesh kiya sayyada ko rab ne bhi
fizaa me gunjegi aawaaz ab yehi
maa ho to maadare hussain si
salaam maadare hussain
hussain ya hussain
kiya hussain ne reti pe shukr ka sajda
subhaana rabbi al aala labe hussain pe tha
ajeeb dard ka manzar tha haay waa waila
sawaar pusht pe qaatil tha saamne zahra
nazar ke saamne bete pe chal gayaa khanjar
tarap ke reh gayi jalti zameen par maadar
phir is ke baad qayaamat ki wo ghari aayi
ghareeb bete ki mayyat bhi paayemaal huwi
dare khayaam pe zainab ye bain karti thi
mere hussain ko is zulm se bachaaye koyi
hussain hogaye paamaal kuch karo ammaa
pisar ke tukre ridaa me samet lo ammaa
jo laashen kar chuke paamaal ahle zulm tamaam
haram the nauha kunaa chaar samt tha kohraam
utha kar mashale haathon me aaya lashkare shaam
ridaayen tcheen ke saadaat ki jalaaye khayaam
ghame hussain ho phir khayaam ka pahraa
har ek maqaam pe zainab ke saath thi zahra
