(Ik Dopehar Mein Apna Bhara Ghar Luta Diaa) x2
(Allah Kia Jigar Tha Janab-e-Hussain a.s Ka) x2
(Zakhmi Badan Firaak-e-Pisar Tashnagi Alam) x2
Tanhaai Fouj-e-Sham Ka Nargha Naaye Sitam
Ansaar O Aqraba Ke Bhichharney Ka Dil Mein Gham
Khaimey Se Aa Rahi Thi Sada-e-Buka Baham
(Allah Kia Jigar Tha Janab-e-Hussain a.s Ka) x2
Jab Aaye Izan Leney Ko Abbas-e-Baawafa a.s
Hasrat Se Unko Dekh Ke Shabbir a.s Ne Kaha
Jaao Sidhaaro Bhaai Nigehbaan Hai Khuda
Ham Jaantey Hain Door Nahi Aap Se Qaza
(Allah Kia Jigar Tha Janab-e-Hussain a.s Ka) x2
Jiss Waqt Isteghasa-e-Abbas a.s Ko Suna
Jaatey They Ran Main Thokarain Khaatey Shah-e-Huda a.s
Nagaahn Aik Simt Main Baazu Para Mila
Dil Thaam Ker Hussain a.s Ne Ussko Uthha Lia
(Allah Kia Jigar Tha Janab-e-Hussain a.s Ka) x2
Bhaai Ke Baad Ran Main Gaya Noujawaan Pisar
Barchhi Ne Tukrey Kar Dia Usska Dil O Jigar
Pohanchy Qareeb Laash Ke Aur Bethey Khaak Per
Barchhi Jigar Se Khainchi To Haatif Ne Di Khabar
(Allah Kia Jigar Tha Janab-e-Hussain a.s Ka) x2
Ayub a.s Dekho Sabar-e-Shehanshah-e-Karbala a.s
Tanha Jawaan Laal Ka Laasha Uthha Lia
Haatho'n Pe Le Ke Khaimey Ki Jaanib Jari Chala
Dekha Na Ho Ga Aisa Kisi Dil Ka Hosla
(Allah Kia Jigar Tha Janab-e-Hussain a.s Ka) x2
Sab Fouj Qatal Ho Gayi Ab Koi Bhi Nahi
Nargha Kiye Hain Sham Ke Aada Uddu-e-Deen
Barsa Rahey Hain Teero'n Ko Har Simt Se Laeen
Haatho'n Pe Apney Laatey Hain Bano s.a Ka Meh Jabeen
(Allah Kia Jigar Tha Janab-e-Hussain a.s Ka) x2
Meydaan Main Sheer Khuwaar Ko Laaye Junhi Hussain a.s
Khoya Sipah-e-Sham Ne Apna Sukoon O Chain
Paikaan Galley Se Lipta Hua Kar Raha Tha Bain
Kiss Sabar Se Juda Kia Wo Shah-e-Mashraqain
(Allah Kia Jigar Tha Janab-e-Hussain a.s Ka) x2
Dafna Ke Sheer Khuwaar Ke Laashey Ko Shah-e-Deen a.s
Aaye Khayam-e-Zainab s.a O Kulsoom s.a Ke Qareeb
Liptin Sakina s.a Qadmo'n Se Dil Sokhta Hazeen
Baba a.s Na Aap Jaaiye Kehtin Thin Meh Jabeen
(Allah Kia Jigar Tha Janab-e-Hussain a.s Ka) x2
Lipta Ke Apni Beti Ko Sarwar a.s Ne Ye Kaha
Sab Ho Gaaye Anees O Aaiyzza Merey Juda
Ham Jaaiyn Qatal Gaah Main Hai Ye Marzi-e-Khuda
Ran Ko Sidhaarey Kehty Huey Shah a.s Alwida
(Allah Kia Jigar Tha Janab-e-Hussain a.s Ka) x8
