*AAO TAABOOT MOHAMMAD KA UTHAAO LOGO*

Zehra ka Hai baba... Hasnain ka Nana...

Aansu zehra ki yateemi pey bahaao logo
Aao taaboot Mohammad ka uthaao logo

Haye rasoolallah....

Aao taaboot Mohammad ka uthaao logo
Saari dunya ko wafaadaari sikhaao logo

1) jis aqeedat se bapaa kartey ho meelaad e nabi
Farsh e ghum waisey Mohammad ka bichaao logo

2) ye saff e ghum Hai Mohammad ki yahaa farq nahi
Ha isii saff pey zamaaney ko bulaao logo

3) Ghar mey Hai fatema zehra ke andheyra chaaya
Aaj ki raat charaago ko bujhaao logo

4) khaakey pathar bhi Jo ummat ko Dua detey rahey
Aisey mohsin na ehsaan bhulaao logo

5) apney ghum bhoolkey detii Hai Khadija ye sadaa
Aansu zehra ki yateemi pey bahaao logo

6) ghum mey mazloom ke Ronaa Hai nabi ki sunnat
Ye haqeeqat na zamaaney se chupaao logo

7) Kyu ho qaamosh baqiyya ke ujad jaaney par
Apney sarkaar ko aisey na rulaao logo

8) apney baba ki judaayi mey Jo chupkar royii
Dil usii fatema zehra ka badhaao logo

9) baad baba ke jisey haqq na milaa dunya se
Uskey haqq ke liye Aawaaz uthaao logo

10) sabz gumbad se takallum ye sadaa aati Hai
Qabr e zehra pey koi saaya banaao logo