Hussain Hussain maula
Zainab ka hai armaan Hussain ka matam

chauda so baras se hai dunya me qayam

chauda so baras se

sajde me sar kataaya islam ko bachaaya
Shabbir ne jaan deke waade ko hai nibhaaya

chauda so baras se

Ahmad ka nawaasa tha Zehra ka dulaara tha
nau laakh la'eenon ne pyaasa jise maara tha

chauda so baras se

eksat sane hijri ko das mi ki qayaamat ko
chauda so baras bite maula ki shahaadat ko

chauda so baras se

islam ke mohsin ka sar neze pe aaya hai
saadaat ke gharon ko aada ne jalaaya hai

chauda so baras se



har saal moharram me ek sog ke aalam me
masroof zamana hai mazloom ke matam me

chauda so baras se

aashoor zamane me payghaam ye laata hai
shabbir ki ghurbat par jo ashk bahaata hai

chauda so baras se

zindaan ke andhere me ghurbat ke savere me
dafnaaya sakina ko aabid ne jo kurte me

chauda so baras se

Rehan o Shanaawar ne Sarwar ne Ali Jee ne
nawhon ki ibaadat se aabaad rakhe sine

Zainab ka hai armaan Hussain ka matam
chauda so baras se hai dunya me qayam