Ya Rabbul Mashraqain Ya Rabbul Maghrabain
Ya Rab Behaqqe zehra taufiq ye ataa ho, marne se pehle yarab Deedare Karbala ho....x2

Jo arz e karbala hai
har arz se siwa hai
Is khake karbala me
shaih ka lahoo mila hai....x2
har la dawa maraz ki ye khaak hi dawa ho
marne se pehle yarab Deedare Karbala ho

Ya Rab Behaqqe zehra taufiq ye ataa ho, marne se pehle yarab Deedare Karbala ho....x2

Mai bhi to matami hoo zakir hu saiyada ka
nauha padha hai maine
ham shakle mustafa ka....x2
is zaakri ka meri qismat se ye sila ho
marne se pehle yarab Deedare Karbala ho

Ya Rab Behaqqe zehra taufiq ye ataa ho, marne se pehle yarab Deedare Karbala ho....x2

Ya rab namaz e shab me bas ye dua padhu mai
kuch der us zamee'n par
majlis bapa karu mai....x2
har matami ke labpar hardam yahi dua ho
marne se pehle yarab Deedare Karbala ho

Ya Rab Behaqqe zehra taufiq ye ataa ho, marne se pehle yarab Deedare Karbala ho....x2

Mazlumiyat pe jiski rota hai yeh zamana
us bekhata ke dar par
ek bar to hai jana....x2
jo arz hai labo par wo istarah ataa ho
marne se pehle yarab Deedare Karbala ho

Ya Rab Behaqqe zehra taufiq ye ataa ho, marne se pehle yarab Deedare Karbala ho....x2

wo sar zamee'n jaha par gunji azaan e akbar
tasbeeh aansuo ki
padhni hai us zamee'n par....2
is sajda e aqidat us khaak par adaa ho
marne se pehle yarab Deedare Karbala ho

Ya Rab Behaqqe zehra taufiq ye ataa ho, marne se pehle yarab Deedare Karbala ho....x2

farhan woh gaya jo kulsum ki dua par
rauza mai uska dekhu
jo margaya wafa par....x2
gar ye sharaf bhi meri taqdeer me likha ho
marne se pehle yarab Deedare Karbala ho

Ya Rab Behaqqe zehra taufiq ye ataa ho, marne se pehle yarab Deedare Karbala ho....x2

Nanhi si jis lahad me sote hai ab bhi asghar
us par chadaunga mai
phulo'n ki ek chadar.....x2
pursa waha ho aisa pehle nahi hua ho
marne se pehle yarab Deedare Karbala ho

Ya Rab Behaqqe zehra taufiq ye ataa ho, marne se pehle yarab Deedare Karbala ho....x2

Subhe dahoom talak ke barsa lahoo jaha par
ibne hasan ka lasha
tha chaar soo'n jahapar.....x2
aaraam ki jagah par farshe azaa bichha ho
marne se pehle yarab Deedare Karbala ho

Ya Rab Behaqqe zehra taufiq ye ataa ho, marne se pehle yarab Deedare Karbala ho....x2

Hur Aun aur mohammad Besar jahaa'n hue the
Ansar o aqraba ke
bikhre jahaa'n the laashe....x2
pursa wahaa mai dunga gar izne fatema ho
marne se pehle yarab Deedare Karbala ho

Ya Rab Behaqqe zehra taufiq ye ataa ho, marne se pehle yarab Deedare Karbala ho....x2

Sadqa jahaa'n kiya tha mazloom e karbala ne
jhada tha jis zamee'n ko baalo'n se saiyyada ne....x2
jab mai waha pe jau hoto pe dam ruka ho...
marne se pehle yarab Deedare Karbala ho

Ya Rab Behaqqe zehra taufiq ye ataa ho, marne se pehle yarab Deedare Karbala ho....x2

Jis khaak ki fazilat kaabe se bhi siwa hai
sajda har ek nabi ne
jis k haak par kiya hai.....x2
Sajda waha karoo mai
Zehra ki gar ataa ho
marne se pehle yarab Deedare Karbala ho

Ya Rab Behaqqe zehra taufiq ye ataa ho, marne se pehle yarab Deedare Karbala ho....x2

farhan lafz mere dete hai yeh sadae
har majlis e azaa me
karta hu ye dua e...x2
Bas Mazhar Aabdi par ek akhri ata ho....x2
marne se pehle yarab Deedare Karbala ho

Ya Rab Behaqqe zehra taufiq ye ataa ho, marne se pehle yarab Deedare Karbala ho....x2