Dekha jab baap ka laasha to Sakina royii
Shimr ne maara jo durra to Sakina royii
1) Naa milaa paani usey aag bujhaaney ke liye..(2)
Jalgayaa Bhai ka jhoola to Sakina royii
2) Odhkar sarr pey ridaa kaan mey durr pehney huwey..(2)
Saamney aayi jo ramlaa to Sakina royii
3) Maarkar sayyad e mazloom ke hoto pey chadii..(2)
Jab hasaa haakim e koofa to Sakina royii
4) Kya Sakina ho tumhi itna bataado Bibi..(2)
Hind Ney aakey Jo poocha to Sakina royii
5) Chaahti thi ke wo ley aaye usey khaimey mein..(2)
Baap ka laasha na uttha to Sakina royii
6) Qaid mein sunte huwey baap ke sarr se lori..(2)
Zakhmi hoto ko jo dekha to Sakina royii
7) Mir Sajjad wo naaqey se girii royi nahi..(2)
Aakey daadi ne uthaaya to Sakina royii
Dekha jab baap ka laasha to Sakina royii
