DUA E HUSSAIN Noha Lyrics Mesum Abbas 2018

Apni Rehmat Ka Khudawand Khazeena Dede

Tujhko ZEHRA (sa) Ki Kasam Mujhko SAKINA (sa) Dede

Ek Beti Ho Meri Seene Pe Sonay Waali

Tujhko ZEHRA (sa) Ki Kasam Mujhko SAKINA (sa) Dede

Ek Beti Ho Meri Seene Pe Sonay Waali...

    Uthaye haath na maine kabhi dua ke liye

Diya hai tu ne hameysha baghair maange huay

Main kar raha hoon magar aaj ilteja sunle

Meri har ek dua har namaz ke badle

Tujhko ZEHRA (sa) Ki Kasam Mujhko SAKINA (sa) Dede

Ek Beti Ho Meri Seene Pe Sonay Waali...

    Phuppi ki jaan vo ammu ki laadli hogi

Baraaye SUGHRA (sa) o AKBAR (as) vo ek pari hogi

Vo muskuraayegi ghar main to roshni hogi

Vo khush rahaygi to Ya Rab mujhe khushi hogi

Tujhko ZEHRA (sa) Ki Kasam Mujhko SAKINA (sa) Dede

Ek Beti Ho Meri Seene Pe Sonay Waali...

    Pakar ke ungli sehen main ussey chalaaonga

Vo larkharaayi to Nad-e-Ali sikhaaonga

Main usko seene pe iss tarha se sulaaonga

Kahaani Dadi ki lori me main sunaaonga

Tujhko ZEHRA (sa) Ki Kasam Mujhko SAKINA (sa) Dede

Ek Beti Ho Meri Seene Pe Sonay Waali...

    Ek choti si rida usske liye laaonga

Apne haathon se main kurta ussey pehnaaonga

Baaliyan uski main JIBREEL se mangwaaonga

Motiyon ki ussey nalain main banwaaonga

Tujhko ZEHRA (sa) Ki Kasam Mujhko SAKINA (sa) Dede

Ek Beti Ho Meri Seene Pe Sonay Waali...

    Chand taaron ko banaoonga khilona uska

Apne seene ko banaoonga bichona uska

Haath ABBAS (as) ke banjayenge kooza uska

Apne haathon ko banaoonga jhoola uska

Tujhko ZEHRA (sa) Ki Kasam Mujhko SAKINA (sa) Dede

Ek Beti Ho Meri Seene Pe Sonay Waali...

    Is qadar pyaar se aur naaz se paaloonga ussey

Farsh pe paaon kabhi rakhne nahi doonga ussey

Jab chalaygi to main phoolon pe chalaaonga ussey

Aur thakjaye to godi main uthaoonga ussey

Tujhko ZEHRA (sa) Ki Kasam Mujhko SAKINA (sa) Dede

Ek Beti Ho Meri Seene Pe Sonay Waali...

    Mujhe pata hai mere baad gham uthayegi

Tamache khaayegi har dum sataayi jaayegi

Vo sabr e FATIMA ZEHRA (sa) magar dekhaayegi

Behen ka saath meri qaid main nibhaayegi

Tujhko ZEHRA (sa) Ki Kasam Mujhko SAKINA (sa) Dede

Ek Beti Ho Meri Seene Pe Sonay Waali...

    Iltija "Mesum" o "Salman" karo ye rab se

Chahte hain jo SAKINA (sa) ki kaneez unko milay

Apni rehmat se tu malik unhe beti dede

Maula SHABBIR (as) ki iss ek dua ke sadqe

Tujhko ZEHRA (sa) Ki Kasam Mujhko SAKINA (sa) Dede

Ek Beti Ho Meri Seene Pe Sonay Waali...

Socializer
SOCIALIZE IT →
FOLLOW US →
SHARE IT →