Phir Aaisa Alamdar Zamane Mai Na Aya
Gunje Ga Sada Nara Abbas Alam Wala
Tareekh Pukare Gi Alamdar

Hai Kon Jo Shabbir Ka Har Dam Hai Wafadar
Awaz Fizaon Se Ye Aati Ba Takrar
Abbas e Alamdar Hai Abbas e Alamdar
Kya Tu Ne Hasham Paya Mola Se Alam Paya
Har Hukm Pe Aaqa Ke Hai Tiyar Alamdar

Kehti Thin Ye Zainab Ke Khuda Iss se Hai Razi
Ye Hai Meri Chadar Ka Muhafiz Mera Ghazi
Iss Ke Liye Ik Khail Hai Ye Jaan Ki Bazi
Ye Jaan Luta De Ga Fojon Ko Hata De Ga
Ban Jaye Ga Khaimon Ki Ye Diwaar Alamdar

Darya Pe Tu Lakhon Hain Khade Zulm Ke Bani
Laikin Esse Mashkize Main Lana Bhi Hai Pani
Ab Jaan Se Badh Kar Hai Sakina Ki Nishani
Dariya Pe To Jana Hai Mashkiza To Bharna Hai
Ab Jo Bhi Ho Daikhe Ga Wafadar Alamdar

Bhulen Ge Na Abbas Tera Nahr Pe Aana
Dariya Pe Alam Gad Ke Nara Ye Lagana
Dariya Ye Hamara Hai Sune Sara Zamana
Kya Kaam Kiya Wallah Abbas Subhanallah
Ye Hai Teri Shadi Teri Sarkaar Alamdar