Gul Machate Be Adab Woh Kufiyane Bad Zaban……2
Whehshaton Ke Daiyere Mein Thi ALI (ASWS) Ki BETIYAN (SA)
aalimon (La) Ke Saamne, zatilon (La) Ke Darmiyan
Choti Dukhtarein ALI (ASWS) Ki Aa Rahi Thi Yeh Sada
HUSAIN (ASWS)…..
Nauha Yeh Tha KULSOOM (SA) Ka Aaiye Kufiyan E Bewafa …..2
Aaiye Kufiyan E Bewafa, Aaye zalimon (LA) , ahel jafa (LA)
Haye Tumhe Khabar, Tum Ho Aashna
Kiska Ghar Luta, Kiska Khoon Baha
Haye Tum Ne Yeh Kya Kar Diya
Kisko Loot Kar Ghar Jala Diya
Hai Zubanon Par Kalma E Khuda
Phir Bhi Seenon Mein Dil Hai Sang Ka
Us HUSAIN (ASWS) Ko Qatl Kar Diya
Jis Ke Paas Hai Marziye Khuda
Deen Jis Ke Ghar Surkhru Hua
Jis HUSAIN (ASWS) Ka Nana MUSTUFA (SAWW)
Jis HUSAIN (ASWS) Ka Baba MURTUZA (ASWS)
Jis HUSAIN (ASWS) Ki Maan Hai SAIYADA (SAWW)
Ru Ba Ru Agar Hoga Saamna
Kaise Jaaonge Pesh E QIBRIYA (SWT)
Zulm Kaunsa Hum Pe Na Hua
Phir Bhi Hum Rahe Razi Ba Raza
Bhai Ko Mere Dhoka De Diya
Sath Na Diya, Akela Kar Diya
Pehle Khat Likhe Aur Bula Liya
Phir Garib Ka Khoon Baha Diya
Mat Zameen Par Tum Bano Khuda
Waqt Hai Qareeb Hoga Faisal
Aaye Kufiyon Zulm Ho Gaya
Aale MUSTUFA (SA) Se Muqabla
Itrat E Nabi Hum Hai Ba Khuda
Zer E Aasman Sar Khula Hua
Bandh Kar Hume Kaid Kar Liya
Aur Phir Hume Bagi Keh Diya
Jis Ke NANA (SAWW) Se Deen E Haq Mila
Us Nawase Ko Yeh Silah Mila
Wa Musibata, Wa Musibata
Wa Musibata, Yun Chaman Luta
Gher Kar Humein Laaie Karbala
Band Hum Pe Phir Pani Kar Diya
Qatl Kar Diya Ghar Ka Ghar Mera
Saiyadon (ASWS) Ke Sar Kar Diye Juda
Zulm Ki Hui Humpe Inteha
Tum Pe Waiye Ho Haye Kya Kiya
Ajr E MUSTUFA (SAWW) Yun Ata Kiya
