Showing posts with label Mesum Abbas Lyrics 2020. Show all posts
Showing posts with label Mesum Abbas Lyrics 2020. Show all posts
https://humaliwalaazadar.blogspot.com/2019/08/nohay-2020.html
''''''''''''''

Fizza Teri Wafa Ki Noha Lyrics Mesum Abbas 2020

Kaniz-e-Zahra, Janabe Fizza, Wafa ki malka, Janab-e-Fizza

Fizza teri wafa ki, hadd akhri yahi he
Zainab ke sath tu bhi, bazaar me khari he
Fizza teri wafa ki, hadd akhri yahi he

Tu ne toh sayyadon ka abaad ghar bhi dekha
Aur kis tarha huwa woh barbaad ghar bhi dekha
Tu phir bhi noukri se, peeche nahi hati he
Fizza teri wafa ki, hadd akhri yahi he

Ungli pakar ke teri, Zainab ne chal na seekha
Ek waqt woh bhi aya, Zainab ke saath Fizza
Jakri huwi rasan me, kanton pe tu chali he
Fizza teri wafa ki, hadd akhri yahi he

Tu habsh ki he maleka, sab jaante he bibi
Qadmon me thi tumhare, daulat jahan ki sari
Phir bhi kaniz-e-Zahra tu fakhr se bani hai
Fizza teri wafa ki, hadd akhri yahi he

Har ek qadam pe tu ne, Zainab ko he bachaya
Bibi pe aane wala, pathar he tu ne khaya
Teri jabeen Fizza, zakhmon se bhar gayi he
Fizza teri wafa ki, had akhri yahi he

Sun kar wafat-e-Abid khud bhi rahi na zinda
Bazar e Shaam me tha, bibi tumhara laasha
Mayyat tumhari bibi, Baqar ne dafn ki he
Fizza teri wafa ki, hadd akhri yahi he

Ay Arsalan aur Mesum hoti he pursadari
Jab kaarvan Baqayya, aate hein baari baari
Fizza bhi za’iron ke, hum raah matami he
Fizza teri wafa ki, hadd akhri yahi he
https://humaliwalaazadar.blogspot.com/2019/08/nohay-2020.html
''''''''''''''

Main Rahib Hoon Noha Lyrics Mesum Abbas 2020

Main Rahib Hoon, Main Rahib Hun

1) Mai hoon Rahib, hai maseeh mera qabila logo
Mere aqa mere sardar he Isaa logo
Ek haqiqat se utha ta hun me parda logo
Mera Hussain he Isaa ka maseeha logon
Imam e waqt ka me intezaar karta hun
Halab ke dair me lamhe shumaar karta hun
Yaqeen he ye mera, Jab ayenge Mola
Me unke qadmon me gir kar sadaa lagaunga
Tum pe Maula me fida jaan karun
Apne beton ko me qurbaan karun
Main Hoon Najraan ka Rahib, Main Rahib Hoon

…Suno ke tumko sunata hun waqiya aysa
Meri hayat me aysa bhi waqt aya tha…

2) Me lawalad tha aur umeed na thi koi mujhe
Huzoor pak ne ye baat khud kahi thi mujhe
Lawh-e-Mehfooz ki tehreer bhi sunayi mujhe
Magar Hussain ne us dam pisar diye the mujhe
Ek nahin, saath nageene ata kiye the mujhe
He ye ehsaan bara, bhulaaun kayse bhala
Ye baat unse kahunga ke farze he ye mera
Tum pe Maula me fida jaan karun
Apne beton ko me qurbaan karun

3) Dafatan qafila ek shehr-e-Halab me pohncha
“Ya Hussayna, Ya Hussayna”! se larazti thi fiza
Neend se mujh ko jaga kar meri zawja ne kaha
Khwaab se jago ke phat-ta he kaleja mera
Kaun karta he tarap kar girya,
Kaun kehta he ye ‘Baba, Baba’
Khwaab e ghaflat se utha; aur maine ye kaha
Aisa lagta he chaley aaye mere ghar Maula
Tum pe Mola me fida jaan karun
Apne baiton ko me qurbaan karun

…Sun ke awaaz e jaras janib e dehleez gayaa
Meri aankhon ko nazar aya qayamat ka samaa…

4) Kya kahun me ne kin aankhon se woh manzar dekha
Be-rida chand aseeron ko khule sar dekha
Kitne suraj the jinhe nok e sina par dekha
Me ne ek chota sa sar dil ko pakar kar dekha
Ek sar par nahi mojood rida
Ek sar sharm o haya se he jhuka
Ek rahvaar ki gardan me bandha
Ek sar bar sar e nok e nezaa
Dekh kar kafela me aah o bukaa karta hun
Peet ke sar zaar o qataar rota hun

5) Maine pehle bhi kahin dekhe he aise chehre
Ayse noorani bashar toh Mubahile me hi the
Ya Khuda naize pe jo sar hen ye woh log na ho
Woh jo aulad e payambar hen ye woh log na ho
Jinki tareef main Injeel me bhi jumle hein
Woh jo chaahein to pahaaron ko hila sakte hein
Yaqeen he ye mera, Jab ayenge Maula
Me unke qadmon me gir kar sadaa lagaunga
Tum pe Maula me fida jaan karun
Apne baiton ko me qurbaan karun

6) Woh jo sar natiq e Quran nazar aata tha
Do sitamgaaron ka uss sar pe laga tha pehra
Darte darte jo me nazdeek gaya
Naiza bardaaron se maine pucha
“Ye jo khoon rota he sar, Kya he Zahra ka pisar?”
Pehradaaron ne kaha, “He ye baaghi bakhuda
Hakim-e-Shaam ne he, iss pe inaam rakha
Iss ke hami na bano tum Raahib
Iss ke hami ka he marna wajib”
Me pareshaan huwa, Aur ye kehne laga
Ek shak he mere dil me zara poochoon isse
Ek lamhe ke liye baat me karloon isse
Mujhe iss sar se mila do, Jitne qeemat he laga do
Ek shab ke liye sar se apne pehre ko hata do
Jab ijzazat mili phir dil ko mere aya qaraar
Maine dirham bhi sipahi ko diye tees-hazaar

…Le ke uss sar ko jo me ghar pohoncha…
Me ne uss sar se kaha mujh ko bata…

7) Batao kon ho tum, Batao kon ho tum…
Me ye bola ke tera jurm he kya?
Vo ye bola ke Mohammad se wafa
Mai ye bola ke tera naam he kya?
Vo ye bola mujhe pehchaan zara
Tera mehmaan hun me, Tera mehmaaan hun me
Nibhaane tifli ka waada, Leke sab apna me kunba
Tere ghar aagaya Rahib
Mai payambar ka jigar hun Rahib
Mai hi Zehra ka pisar hun Rahib
Jisne betay tujhe bakhshe woh sakhi hun Rahib
Bakhuda me hi Hussain ibne Ali hun Raahib
Karbala me jo sitam tootay bata ta hun tujhe
Apne beton ka bhi maqtal me sunata hun tujhe
Mere Abid ko lahu rulwaya (1)
Haye Baqir ka bachpana cheena (2)
Mere Akbar ko he naiza mara (3)
Mere Qasim ko he pamaal kiya (4)
Sar kiye Aun o Mohammad ke juda (5 & 6)
Ye inteha he ke Asghar pe reham na khaya (7)

“Ya Hussaina, Ya Hussaina, Ya Hussaina, Ya Hussain!” (x2)

8) Sun ke Rahib ye bayaan thaam ke dil rone laga
Aur aada ko sar e Shah bhi wapis na kiya
Ek ek kar ke kiye saathon pisar Sheh pe fida
Arsalan Azmi, Mesum he woh maujood jagah
Sar jahan Maula Hussain ibne Ali ka tha rakha
Dar e Rahib he jahaan, Karna mehsoos wahan
Goonjti ab bhi fizaoon me he Rahib ki sada
Tum pe Maula me fida jaan karoon
Apne beton ko me qurbaan karun
https://humaliwalaazadar.blogspot.com/2019/08/nohay-2020.html
''''''''''''''

Behen Sawaar Karao Lyrics Mesum Abbas 2020

(Marsiya)
Jab aakhri rukhsat ko Hussain aaye Haram se...
Sab bibiyan lipti Shah e Wala ke qadam se...
Hazrat ne kaha qat-e-muhabbat karo hum se...
Jeeney ke nahi hum Ali Akbar ke alam se...

Ek baar phir galey se lagao Hussain ko...
Aao behen sawaar karaao Hussain ko...

(Noha)
Aao behen sawar karaao Hussain ko 
Ek baar phir galey se lagao Hussain ko

Lo aa gaya wo waqt ke jaata he be-watan
Kurta diya tha jo tumhe amma ne ay behen
Uss ko kafan samaj ke pinhaao Hussain ko

Ay bibi mere nana ka ammamah layi ye
Hum ko abaa e shaafa e mehshar pinhai ye
Maqtal ko jaa raha he, sajaao Hussain ko

Hum aap ko samaj te hein Zahra ki yaadgaar
Behna hamey chalani he baba ki zulfiqar
Himmat phir ek baar dilaaoo Hussain ko

Ek din me mere moonis o yawar juda huwe
Abbas na rahe Ali Akbar juda huwe
Ab jee ke kya karega batao Hussain ko

Dil mera duba jaa ta he beti ko dekh kar
Hum sar katane jaatey he iss ko nahi khabar
Iss se na baar baar milao Hussain ko

Darya ki simt dekh kar kis ko bulaati ho
Kyun behna is ghareeb ke dil ko dukhati ho
Bhai ke gham me ab na rulawo Hussain ko

Mesum khayam e Shah me mehshar bapa huwa
Shah ne Raza jo Zainab e dilgeer se kaha
Phir kya khabar ke dekh na pao Hussain ko
https://humaliwalaazadar.blogspot.com/2019/08/nohay-2020.html
''''''''''''''

Meri Jaan Akbar Noha Lyrics Mesum Abbas 2020

Haye Ali Akbar, Haye Ali Akbar
Bole Shabbir meri jaan Akbar
Kis ne maari tumhe sina Akbar

Jisme nazuk pe itne zakhm lage
Khoon behta he tere seene se
Sochta hun ke kya bataunga
Kayse khayme me le ke jaunga
Puch le gar tumhari maa Akbar
Kis ne maari tumhe sina Akbar
Who pierced you with a spear, Akbar?

Sun rahe ho meri sada ko agar
Ankhein kholo padar fida tum par
Dum hamara ukhar ne lagta he
Saans mera bhi ruk ne lagta he
Tum jo le te ho hichkiyaan Akbar
Kis ne maari tumhe sina Akbar

Aysi halat jo dekh-ta hun me
Zakhm gin gin ke ro raha hun me
Kis ne barchi ka phall utaara he
Kis ne seene pe waar mara he
Kuch toh humse karo bayaan Akbar
Kis ne maari tumhe sina Akbar

Tum ne jab aakhri sada di thi
Meri ankho me roshini na rahi
Aysa sadma he ye mere beta
Tum jo rahvaar se girey beta
Gir parha hum pe aasmaan Akbar
Kis ne maari tumhe sina Akbar

Baat ye bhi suno qayamat ki
Tere marne ki jab khabar he suni
Mujh ko Fizza ne ye bataya he
Ghar me Zainab ka dam nikalta he
Jaan dete ho tum yahaa Akbar
Kis ne maari tumhe sina Akbar

Tum bhi Meesum sada parho nauhay
Aur tum bhi Raza likho nauhay
Soz e gham aur bhi siwa kije
Sharf-e-maqbooliyat ata kije
Hum tumhare he nauha khwan Akbar
Kis ne maari tumhe sina Akbar

Bole Shabbir meri jaan Akbar
Shabbir said, my beloved Akbar
Kis ne maari tumhe sina Akbar